Conditions of use

Ви благодариме што нѐ посетивте!

Пристапот до интернет страната и нејзиното користење подлежи на следниве општи услови. Ве молиме, користете ја интернет страната само доколку се согласувате со овие услови. Содржината на оваа страна е развиена од Баер ДОО Љубљана-Претставништво Скопје (понатаму во текстот „Баер“). Го задржуваме правото на укинување односно делумно или целосно менување на интернет страната или на Општите услови за користење, на нашите Општи услови и на нашите услови за продажба и испорака. Таквите измени ги правиме врз основа на нашето дискрециско право и без никаква претходна најава. Од таа причина Ве замолуваме, при следната посета на нашата интернет страна, повторно да ги разгледате условите со цел да се информирате за евентуалните измени или дополнувања што биле направени на ваквите општи услови во меѓувреме.

Целта на оваа интернет страна е обезбедување на информации коишто се објавуваат заради подигнување на свеста на корисниците.

Отстапување за цели на користење и придобивки

Сите податоци, документи и илустрации објавени на оваа интернет страна се единствена сопственост на Баер односно на матичното друштво Bayer Group. Дозвола за користење на податоците, документите и илустрациите се дава под услов да содржи релевантна изјава за авторските права истакнати на сите копии, податоците да се користат само за лични, а не и за комерцијални цели, податоците да не се менуваат и дополнуваат на ниту еден начин и сите илустрации од интернет страната да се користат исклучиво со соодветниот текст.

Трговски марки и авторски права

Сите трговски марки прикажани на оваа интернет страна, како и авторски дела се сопственост на Баер односно на матичното друштво Bayer Group, освен доколку не е поинаку утврдено или доколку на кој било начин не се толкуваат како права на трети лица. Строго е забрането неовластено користење на овие трговски марки, авторски дела или на другите прикажани материјали, а во спротивно, тоа ќе се смета за повреда на авторски права односно повреда на правата на носителите на трговски марки, како и на другите права од областа на индустриска сопственост.

Ограничување на одговорност

Баер собира прецизни информации дадени на оваа интернет страна од внатрешни и надворешни извори, согласно своето најдобро уверување и врз основа на извршена професионална анализа и проверка. Секогаш се стремиме кон тековно проширување и ажурирање на овој опсег на информации. Информациите на интернет страната се единствено наменети за цели на презентација на Баер и на неговите производи и услуги. Сепак, не се дава никаква изјава ниту пак гаранција, било изречна или молкумна, за целовитоста или точноста на информациите содржани на оваа интернет страна. Ве информираме дека, иако информациите претставени на интернет страната биле точни на денот на нивното објавување, можеби подоцна истите нема повеќе да бидат ажурирани. Токму затоа, пред да ги користите на кој било начин, Ве молиме проверете ги информациите добиени од оваа интернет страна. Ве советуваме да извршите дополнителна сопствена проверка на советите што се дадени на оваа интернет страна, особено на нашите безбедносни табели со податоци и технички спецификации - и на нашите производи, и тоа заради утврдување на нивната соодветност за процесите и целите. Доколку ви се потребни совети или упатства за нашите производи или услуги, Ве молиме контактирајте со нас директно. Корисниците на оваа интернет страна изјавуваат дека се согласуваат да пристапат до интернет страната и да ја користат на нивна одговорност. Ниту Баер или пак третите страни вклучени во подготовката на содржината, продукцијата или преносот на оваа интернет страна не може да се сметаат за одговорни за какви било штети или повреди кои произлегле од пристапот или неможноста да се пристапи до интернет страната или од користењето или неможноста за користење на оваа интернет страна или од фактот дека сте се придржувале на информациите дадени на оваа интернет страна.

Интернет страни на трети лица/линкови

Интернет страната содржи врски/упатувања кон надворешни интернет страни. Обезбедувајќи ги единствено линковите, Баер не превзема никаква одговорност за нивната содржина, точност или функционирање на интернет страните на трети лица. Прикажувањето на таквите линкови не значи дека Баер се согласува со нивната содржина. Баер не прифаќа никаква одговорност за достапноста или за содржината на таквите интернет локации и не прифаќа никаква одговорност за штетите или повредите кои настанале како резултат на користењето на таквите содржини во каков било облик. Баер не гарантира дека интернет страните, до коишто може да се пристапи преку достапните линкови, содржат информации со постојан квалитет. Врските до други интернет локации им се овозможени на корисниците само за цели на полесно пребарување. Корисниците пристапуваат до таквите интернет локации на своја сопствена одговорност. Изборот на врските не ги ограничува корисниците на користење на таквите интернет страни.

Ваши податоци

Корисниците на оваа интернет страна се целосно одговорни за содржината и точноста на податоците што ги испраќаат до Баер како и за почитувањето на какви било права на трети лица кои може да се вклучени во обработката на таквите податоци. Корисникот ја дава својата согласност на Баер за чување и обработка на таквите податоци и за користење за целите на статистичка анализа или за која било друга оправдана деловна цел, освен за оние информации кои содржат лични податоци, кои не припаѓаат во категоријата на општи податоци или податоци поврзани со користење. Баер го задржува правото да ги користи идеите, изумите, нацртите, техничките и стручните податоци содржани во нив, за каква било цел, како што е развој, производство и/или маркетинг на производи или услуги и за репродукција на таквите информации и за нивно ставање на располагање на трети лица без никакви ограничувања.

Меѓународни корисници

Содржината на оваа страна е проверена, управувана и ажурирана од страна на Баер и истата е наменета за локална употреба во Република Северна Македонија. Сепак, Баер не дава никаква гаранција дека деталите презентирани на оваа интернет страна се точни насекаде низ светот, а особено дека производите и услугите ќе бидат достапни со ист изглед, во иста големина или под истите услови низ целиот свет.Доколку ја посетите оваа интернет страна од странство и во таа прилика преземете содржини од истата, имајте во предвид дека таквото постапување е на ваша одговорност, заради претходно осигурување дека постапувате во согласност со локалното законодавство што се применува во местото од каде што ја посетувате оваа страна.

Производите споменати во оваа интернет страна се достапни и во другите држави во различни пакувања, во различни големини на пакувањата или со различни букви или ознаки, во зависност од земјата на нивниот пласман.

Вашите лични податоци што се доставени до оваа интернет страна се предмет на уредување на одредбите и условите дадени во Изјавата за приватност, која што исто така е достапна на оваа страна.

Го задржуваме правото да во било кое време и без претходна најава, го ограничиме, спречиме или укинеме пристапот на било кој корисник на оваа страна, и тоа на целата содржина или само на определени делови од содржината дадена тука, или пак на било која од функција на интернет страната.

Доколку Ви се потребни дополнителни упатства во врска со содржината објавена на оваа интернет страна, Ве молиме контактирајте го нејзиниот Објавувач, уредно даден во полето Импринт.

Продажба на производите на BAYER

Нашите производи се продаваат согласно со важечката верзија на нашите Општи услови за продажба и испорака.

Меродавно право

Сите законски услови или судски постапки поврзани со оваа интернет страна или со нејзиното користење се предмет на толкување на законите на Република Северна Македонија, освен одредбите од меѓународното приватно право и Хашката конвенција во врска со униформното право на меѓународна продажба на производи од 1 јули 1964 година и со Конвенција на ОН за продажба од 11 април 1980 година.

Го задржуваме правото на измена или дополнување на Општите услови за користење на оваа интернет страна.

Последен пат, содржината на оваа страна е ажурирана на ден 14.06.2022 година.